Hutan Itu Beta Mama, Beta Tempat Bermaeng

 

Hutan itu, beta pung mama, dong jaga beta dari panas sampe hujan turun deras. Dari kecil, beta lari-lari di akar yang saling baku gandeng, daun-daun jadi langit, tanah jadi jejak cinta

Angin yang tiup dari sela-sela bambu,
itu suara mama yang panggil:
"Jangan jauh jauh anakku, 
Sini, baku dapa deng cinta."

Beta bermaeng di situ,
di kali kecil yang bening,
tangkap ikan pake tangan kosong
karena alam masih percaya beta.

Hutan itu bukan cuma pohon, bukan cuma kayu,
tapi tempat beta belajar arti hidup tanpa tamak,
di mana burung bersuara bukan karena takut, tapi karena nyaman tinggal di rahim tanah.

Tapi kini suara mesin potong bagai luka,
Beta hutan, beta mama, dapa sayat tiap hari,
beta berdiri di tengah sunyi,
Bertanya: "Masih adakah tempat baku dapa deng cinta besok nanti?"

Kalau hutan hilang,
di mana beta mo bermaeng?
Siapa yang mo bisik dongeng lewat desir daun?
Siapa yang mo peluk beta saat dunia jadi panas?

Hutan itu beta mama.
Dong jaga dia, berarti dong jaga beta,
dong jaga anak cucu yang belum lahir,
biar dong juga bisa rasa,
apa artinya hidup di pangkuan alam yang jujur.

https://difandidivakara.blogspot.com/2025/09/blog-post.html